थोडक्यात पण महत्त्वाचे
· अंबुजा सिमेंट्स आणि एसीसी या दोन आघाडीच्या भारतीय सिमेंट कंपन्या आहेत ज्यांच्या अल्पकालीन आणि नेट-झीरो उत्सर्जन उद्दिष्टांना सायन्स बेस्ड टार्गेट इनिशिएटिव्ह (SBTi) कडून मान्यता प्राप्त झाली आहे.
· या कंपन्यांची अल्पकालीन उद्दिष्टे 2030 पर्यंत, आणि नेट-झीरो उद्दिष्टे 2050 पर्यंत पूर्ण केली जाणार आहेत.
· या उद्दिष्टांमुळे दोन्ही कंपन्या 2070 पर्यंत नेट-झिरो होण्याच्या भारताच्या राष्ट्रीय संकल्पात मोलाचा वाटा उचलतील.
· ही मान्यता दोन्ही कंपन्यांना भारत सरकारच्या कार्बन क्रेडिट आणि ट्रेडिंग योजनेशी सुसंगत राहण्यास व कार्बन बाजारात सहभागी होण्यास मदत करेल.
अहमदाबाद, 21 जून 2025 : विविध क्षेत्रांमध्ये कार्यरत असलेल्या अदाणी पोर्टफोलिओच्या सिमेंट आणि बांधकाम साहित्य क्षेत्रातील कंपन्या — अंबुजा सिमेंट्स आणि एसीसी — यांनी शाश्वत विकासाच्या दिशेने एक महत्त्वपूर्ण उपलब्धी मिळवली आहे. या दोन्ही कंपन्या त्यांच्या क्षेत्रातील अशा अग्रगण्य भारतीय सिमेंट कंपन्या ठरल्या आहेत, ज्यांच्या नेट-झीरो उद्दिष्टांना सायन्स बेस्ड टार्गेट इनिशिएटिव्ह (SBTi) कडून मान्यता प्राप्त झाली आहे. SBTi चे कॉर्पोरेट नेट-झीरो स्टँडर्ड हे हवामान विज्ञानाशी सुसंगत असलेले कॉर्पोरेट नेट-झीरो उद्दिष्ट निश्चितीचे जगातील एकमेव चौकट आहे.
SBTi कडून मिळालेली ही मान्यता या कंपन्यांच्या शाश्वत आणि जबाबदार व्यवसाय उभारण्याच्या वचनबद्धतेचा पुरावा आहे, जिथे त्या सोपे नाही, तर आवश्यक ते करत आहेत आणि त्यामुळे कमी कार्बन संक्रमणाच्या मार्गावर कॉर्पोरेट नेतृत्वाच्या भूमिकेत पोहोचल्या आहेत. ही मान्यता त्यांना भारताच्या औद्योगिक डीकार्बनायझेशनच्या अग्रस्थानी आणते, जिथे त्या पॅरिस कराराच्या 1.5°C लक्ष्याच्या पूर्ततेसाठी आवश्यक त्या गतीने आणि प्रमाणात उत्सर्जन कपात करण्यासाठी कटिबद्ध आहेत.
अदानी समूहाचे सिमेंट व्यवसायाचे सीईओ, श्री. विनोद बहेटी म्हणाले: “अंबुजा सिमेंट्स आणि एसीसी यांनी शाश्वततेच्या दिशेने नेहमीच पुढाकार घेतला आहे. हवामान बदलाच्या संकटाचा सामना करताना जबाबदारीने वागणे हे आमच्यासाठी अत्यंत महत्त्वाचे आहे. SBTi ही कॉर्पोरेट हवामान उद्दिष्टांची सर्वाधिक मान्यताप्राप्त संस्था आहे. या मान्यतेमुळे आमची वाढ आणि पर्यावरणीय जपणूक यांच्यात समतोल राखण्याची वचनबद्धता बळकट होते. आम्ही जगातील नवव्या क्रमांकाचे सर्वात मोठे सिमेंट उत्पादक आहोत, आणि सेमेक्स, हेडलबर्ग आणि होल्सीम नंतर अशा स्तरावर पोहोचलेली आणि नेट-झीरो उद्दिष्टांची मान्यता मिळवणारी एकमेव कंपनी आहोत. ही वाटचाल येथेच थांबत नाही – ही आमच्या डीकार्बनायझ्ड आणि शाश्वत जगाच्या दृष्टिकोनाच्या पूर्ततेकडे नेणारी आणखी एक पायरी आहे.”
या कंपन्यांनी कार्बन उत्सर्जन कमी करण्यासाठी थेट उपायांवर लक्ष केंद्रीत केले असून, उरलेली उत्सर्जने SBTi मार्गदर्शक तत्वांनुसार शून्य करण्याचे उद्दिष्ट ठेवले आहे. हरित ऊर्जा, एएफआर (पर्यायी इंधन आणि कच्चा माल), ऊर्जा कार्यक्षमता, तंत्रज्ञान अपग्रेडेशन व नवकल्पना यांसारख्या उपक्रमांच्या माध्यमातून या कंपन्यांनी आपली उद्दिष्टे निश्चित करण्यात महत्त्वाची भूमिका बजावली आहे.
अंबुजा सिमेंट्स ही आंतरराष्ट्रीय स्तरावर ‘अलायन्स फॉर इंडस्ट्री डीकार्बोनायझेशन (AFID) मध्ये सामील होणारी पहिली सिमेंट उत्पादक कंपनी आहे, जी IRENA (इंटरनॅशनल रिन्युएबल एनर्जी एजन्सी) यांच्या नेतृत्वाखाली कार्यरत आहे. तसेच अंबुजा ही वर्ल्ड इकॉनॉमिक फोरम (WEF) च्या ट्रांजिशनिंग इंडस्ट्रियल क्लस्टर उपक्रमाचीही सदस्य कंपनी आहे.
अदानी समूहाच्या एकत्रित क्षमतांमुळे हा दृष्टिकोन अधिक सशक्त झाला आहे. समूहाने भारताचे हरित ऊर्जा उद्दिष्ट साध्य करण्यासाठी $100 अब्ज गुंतवणुकीचे उद्दिष्ट ठेवले असून, अदानी समूह 2030 पर्यंत आपली अक्षय ऊर्जा क्षमता 14.2 गीगावॅटवरून 50 गीगावॅट इतकी वाढवत आहे आणि हरित हायड्रोजनवर आधारित एक एकात्मिक व्यासपीठ निर्माण करत आहे. या अंतर्गत, अंबुजा सिमेंट्सने वित्तीय वर्ष 2027-28 60% ऊर्जा मागणी हरित नवीकरणीय स्रोतांद्वारे पूर्ण करण्याचे उद्दिष्ट ठेवले आहे, यात 1 गीगावॅट सौर आणि पवन ऊर्जा तसेच 376 मेगावॅट WHRS (वेस्ट हीट रिकव्हरी सिस्टम) यांचा समावेश आहे. यापैकी, अंबुजा सिमेंट्सने आधीच अनुक्रमे 299 मेगावॅट आणि 186 मेगावॅट क्षमतेची पूर्तता केली आहे. ग्रीन हायड्रोजन नेट-झिरो उद्दिष्ट पूर्ण करण्यासाठी महत्त्वाची भूमिका बजावणार आहे. समूहाच्या गुंतवणुकीमुळे अंबुजा आणि एसीसी यांना जीवाश्म इंधनांवरची अवलंबनता कमी करत जलद कार्बन उत्सर्जन कपात साधता येणार आहे.
ही मान्यता फक्त एक टप्पा नाही; तर ती एक जबाबदारी आहे. अंबुजा सिमेंट्स आणि एसीसी या सिमेंट उद्योगासाठी नवीन मानदंड ठरवत आहेत, हे सिद्ध करत आहेत की धाडसी हवामान कृती केवळ शक्यच नाही, तर अत्यावश्यक आहे आणि ती प्रक्रिया आधीच सुरू झाली आहे.
0 Comments